Siglir tar il cuntegn

Header

video
Il Team Canada perda l'emprim gieu cunter Sparta Prag
Or da Sport-Clip dals 26.12.2022.
laschar ir. Durada: 3 minutas 37 Secundas.
cuntegn

Sparta Prag ed Ambri gudognan Sparta Prag batta il Team Canada 3:2

Gist duoas surpraisas l’emprim di da la Cuppa Spengler a Tavau: Sparta Prag batta il Team Canada ed Ambri Piotta gudogna cunter Örebro da la Svezia.

Cura ch'il Team Canada dat ina partida da la Cuppa Spengler è l’equipa il favurit. Quella rolla s'èn ils Canadais elavurads. Els èn ils champiuns da record ed han gudagnà la Cuppa Spengler sedesch giadas. Ins sa dentant era che ils Canadais èn da batter gist en l’emprima partida. Quai pervia che l’equipa na è betg giugada èn sco ils adversaris. Il Team Canada dovra in, duos gieus per vegnir en il turnier. Sparta Prag ha nizzegià precis quai. Ils Tschecs han giugà fitg effizient ed han gudagnà meritadamain.

Program e resultads da la Cuppa Spengler 2022

Avrir la box Serrar la box

I dat duas gruppas

  1. Gruppa Torriani: HC Ambri Piotta, IFK Helsinki, Örebro
  2. Gruppa Cattini: HC Tavau, Team Canada, Sparta Prag

Ils victurs da mintga gruppa sa qualifitgeschan per il mezfinal. Ils auters dus duain cumbatter en il quartfinal per la qualificaziun per il mezfinal.

26 da december

  • HC Ambri Piotta – Örebro HK 5:2
  • 20:15 Sparta Prag – Team Canada 3:2

27 da december

  • IFK Helsinki – Örebro HK 2:5
  • HC Tavau – Team Canada 2:1

28 da december

  • 15:10 Ambri-Piotta – IFK Helsinki 7:3
  • 20:15 Sparta Prag – HC Tavau 9:2

29 da december – pre-mezfinals

  • 15:10 Örebro HK – Team Canada 3:1
  • 20:15 HC Tavau – IFK Helsinki 3:2

30 da december – mezfinals

  • 15:10 Sparta Prag – Örebro HK 4:3
  • 20:15 Ambri-Piotta – HC Tavau 5:0

31 da december – final

  • 12:10 Sparta Prag – Ambri-Piotta 2:3 s.p.

Sparta Prag – Team Canada 3:2

Suenter divers onns turna ina da las meglras equipas da la Tschechia puspè a la Cuppa Spengler. L’equipa era al principi dal nov millenni gist tschintg giadas en seria part da la Cuppa Spengler – uss dentant dudesch onns betg pli. Ura pia che la squadra da tradiziun cumbatta puspè ina giada a la Cuppa Spengler per il titel. Duas giadas ha la squadra gia gudagnà il turnier da tradiziun (dal 1962 e dal 1963). L’equipa da la chapitala Tscheca turna cun questa ambiziun a Tavau e cun ina ferma equipa. Sis giugaders actuals da Sparta Prag han giugà en la meglra liga da hockey dal mund: la National Hockey League en America dal Nord.

En l’emprim gieu frunta Sparta Prag sin il champiun da record da la Cuppa Spengler: il Team Canada. Gia sedesch giadas ha l’equipa che sa cumpona per gronda part da giugaders canadais che dattan en la National League svizra gudagnà il turnier. Cler ch'il Team Canada avisescha er questa giada la victoria. E cler che il Team Canada è er questa giada puspè il favurit.

Ambri-Piotta – Örebro HK 5:2

Sche ils fans dad Ambri-Piotta chantan a la fin da la partida la enconuschenta ‘La Montanara’ alura è cler che l’equipa tessinaisa vegn a gudagnar il gieu. Uschia er tar la segunda participaziun a la Cuppa Spengler en il gieu cunter Örebro. Ambri-Piotta ha mussà davent da l’entschatta tgi che è il patrun da chasa. Cun ils agens fans en il dies ha Ambri victorisà il favurit da la Svezia ed ha procurà uschia per in mument pel giaglina. Sco gia l’onn 2019 è Ambri gia uss ils preferis dal public.

Cun sia participaziun a la Cuppa Spengler l’onn 2019 s'è Ambri-Piotta giugà en ils cors dals fans dal turnier. La squadra, che giauda simpatias en l’entir mund da hockey , n'ha betg be mussà fermas prestaziuns sin il glatsch, ella ha er procurà per ina buna atmosfera sper il glatsch. Uschia era per ils organisaturs da la Cuppa Spengler cler d’envidar ils Tessinais ina segunda giada. Er sche la squadra n'accumplescha atgnamain betg in dals criteris per l'invid da la segunda squadra svizra: la qualificaziun per il playoffs.

La premiera dad Örebro HK succeda quest enviern. Örebro HK da la Svezia turna cun in giugader conuschent a Tavau. L’anteriur attatgader dal HCD Mathias Bromè dat en il dress dad Örebro. Cun sia participaziun terminescha Örebro la lunga abstinenza dad equipas svedaisas tar la Cuppa Spengler. Sedesch onns èn passads dapi che la davosa equipa svedaisa è stada part da la Cuppa Spengler.

RTR novitads 15:00+

Artitgels legids il pli savens

Scrollar a sanestra Scrollar a dretga