Il cussegl communal da Cuira ha approvà unanimamain la gievgia il messadi per ils Special Olympics World Winter Games 2029 – Host City Cuira. Il favrer 2022 vegn las votantas ed ils votants da Cuira uschia a pudair decider davart il credit da radund 4.25 milliuns francs.
Passa 2'500 sportists e sportistas cun impediment spiertal or da 100 pajais vegnan en Svizra ed en il chantun Grischun per ils Special Olympic World Winter Games 2029. La part sportiva da l'occurrenza duai avair lieu en il Grischun: Las differentas disciplinas sco unihockey, ski alpin e snowboard an lieu a Cuira, Lai ed Arosa. La ceremonia d'avertura vegn ad avair lieu en il stadion dal Letzigrund a Turitg, la festa finala a Cuira.
L'occurrenza haja ina gronda muntada per l'inclusiun en il chantun Grischun e duai era avair in effect persistent economic e turistic, hai gì num durant la seduta dal cussegl communal.
