12 secundas han mancà ad Oslo per il terz plaz en la staffetta maschadada per il duo svizzer. Per l'emprima giada han Lena Häcki-Gross e Niklas Hartweg fatg ensemen questa cursa. Ed els han gist fatg in bun plaz cun il quart. Häcki-Gross e Hartweg han stuì far duas rundas supplementaras ed en tut stuì chargiar suenter otg giadas la buis. Sin la loipa han els mussà ina buna prestaziun. Gudagnà la cursa ha il duo norvegiais avant la Svezia. Il podest cumplettescha la Finlanda.
Lena Häcki-Gross po cuntinuar sia ferma prestaziun ad Oslo. Sonda è ella vegnida emprima en la partenza da massa.
Nagin bun di per la staffetta da quatter
La staffetta maschadada cun quatter atletas ed atlets n'ha perencunter betg gì in bun di. Lea Meier, Aita Gasparin, Joscha Burkhalter e Jeremy Finello èn vegnids surpassads en la 10avla da 12 rundas, uschia che la cursa è stada a fin anticipadamain. L'ultim currider Jeremy Finello è uschia gnanc vegnì en acziun sin la loipa.
Gudagnà la staffetta ha la Frantscha, suandada da la Svezia e la Norvegia.
