Il giuven talent da skis Selina Egloff da Scuol fa ina pausa. Quai ha l’atleta da 20 onns decis ensemen cun ses trenaders e cun Swiss Ski. Uschia na vegn ella a far durant il proxim enviern naginas cursas da skis, scriva Swiss Ski. Sias batterias sajan vidas, tras il sport da prestaziun.
Gia il schaner aveva ella rut giu la stagiun anticipadamain. Gia alura era la sanadad il motiv.
Suenter la pausa da plirs mais vegn la skiunza a decider co vinavant. Selina Egloff era fin uss a la partenza da cursas da la Cuppa d’Europa. Tschintg giadas ha ella er pudì ir a la partenza da cursas da la Cuppa Mundiala.
