Il campiun olimpic Johannes Kläbo n'è betg pli part da l'equipa naziunala norvegiaisa e ristga uschia da betg pli pudair ir a la partenza a la cuppa mundiala. Las reglas prevesan numnadamain che be commembers da la squadra naziunala da la Norvegia pon far quai. Kläbo spera dentant che quai sa laschia midar enfin a la proxima stagiun.
Er Northug aveva fatg questa via
Motiv per sa decider per in agen team enstagl da la squadra naziunala saja che Kläbo n'haja betg in bun sentiment, cunquai ch'i haja dà mesiras da spargn en la sparta da passlung. Uschia na possia el betg profitar avunda da la federaziun. Er l'anteriur star da passlung norvegiais Petter Northug era gia ius atgnas vias durant sia carriera.