Siglir tar il cuntegn

Header

video
La cursa da Stefan Rogentin il 2023 ch'ha manà el sin il segund plaz.
Or da Sport-Clip dals 13.01.2023.
laschar ir. Durada: 1 minuta 48 Secundas.
cuntegn

Super-G da Wengen Stefan Rogentin vul far sco il 2023

Nov di – nova schanza. L’emprima da duas cursas rapidas al Lauberhorn è ida en las chautschas a Stefan Rogentin. Il skiunz da Lai ha dà or da maun in bun resultat en la passascha-clav, il Kernen-S. En la secunda cursa a Wengen, in super-G, vul Rogentin uschia mussar ina reacziun.

audio
Stefan Rogentin cun bunas regurdientschas vi dal super-G da Wengen
ord Actualitad dals 12.01.2024. Maletg: Keystone
laschar ir. Durada: 2 minutas 57 Secundas.

Il super-G è la disciplina da parada da Stefan Rogentin. E vi da quella cursa da Wengen ha el er bunas regurdientschas. Avant quasi exact in onn, ils 13 da schaner 2023, è el vegnì segund, davos il Norvegiais Aleksander Aamodt Kilde ed avant ses collega d’equipa Marco Odermatt. Mussar ina tala cursa briglianta sco avant in onn, quai è la finamira da Rogentin ch’ha gia mussà diversas giadas ch’el sa senta bain sin la pista legendara dal Lauberhorn al pe dad Eiger, Mönch e Jungfrau.

Partenza per il super-G da Wengen è a las 12:30 uras. Stefan Rogentin parta cun il numer 4, dus numers suenter l’auter Grischun, Gino Caviezel che parta gia cun il numer 2. Ils dus gronds favurits, Marco Odermatt parta cun il numer 10 ed Aleksander Aamodt Kilde cun il numer 13.

RTR actualitad 12:00

Artitgels legids il pli savens