Lara Gut-Behrami ha gudagnà la culla da cristal pitschna en il super-G. Quai gia per la terza giada, suenter il 2014 ed il 2016. Uschi po ella cumplettar ses Hattrick. Per Gut-Behrami e Suter è il di dad oz in cumplain success. Ellas duas fan las plazzas dus e trais sin il podest.
Il podest:
- Federica Brignone (ITA) 1:14,61
- Lara Gut-Behrami (SUI) + 0,59
- Corinne Suter (SUI) + 0,72
Trais interrupziuns
Jasmine Flury ha stuì interrumper sia cursa, perquai ch'in gidanter era sa blessà sin la pista. Igl è stada la terza interrupziun suenter che la Norvegiaisa Kajsa Vickhoff Lie e l'Austriaca Rosina Schneeberger èn sa blessadas tar grevas crudadas ed han stuì vegnir transportadas davent cun in helicopter.
Las ulteriuras svizras
- 12. Michelle Gisin
- 13. Wendy Holdener
- 17. Priska Nufer
- 23. Joana Hählen
- 25. Jasmina Suter
- 31. Rahel Kopp