Siglir tar il cuntegn

Header

video
La resumaziun dal gieu Sion cunter Lucerna
Or da Sport-Clip dals 11.05.2022.
abspielen. Laufzeit 6 minutas 48 Sekunden.
cuntegn

Super League Lucerna gudogna, e procura per tensiun auta

En la Super League s'accentuescha il cumbat per evitar il plaz da barrascha, cun la victoria da Lucerna. Ordaifer cunter il concurrent direct Sion gudognan ils Lucernais cun 3:1. Duas rundas avant la fin dal campiunadi è Lucerna mo pli in punct davos ils Vallesans. Tuttina blers puncts sco Lucerna han ils Grasshoppers. Quels fruntan la gievgia saira sin Basilea.

En il segund gieu da la mesemna saira han Servette e Lugano giugà pari 2:2.

Clera victoria per YB

A chasa han ils Bernais gudagnà il mardi saira cun 4:1 cunter Son Gagl. Uschè cler n'ha YB betg anc gì gudagnà questa primavaira. In'ura è il gieu stà gulivà. En la 7avla minuta aveva Meschack Elia sajettà il 1:0 per YB. En la 51avla minuta ha Son Gagl lura pudì egualisar grazia a Jeremy Guillemenot.

Davent da la 61avla minuta è tut sa midà spert, YB ha sajettà aifer set minutas trais gols. L'emprim ha Wilfried Kanga realisà in penalti, e curt suenter han Christian Fassnacht e Meschack Elia marcà ils dus ulteriurs gols al resultat final da 4:1 per ils Young Boys.

RTR novitads 23:00

Artitgels legids il pli savens

Scrollar a sanestra Scrollar a dretga