Siglir tar il cuntegn

Header

cuntegn

Suspect da doping Bloccada provisorica per Alex Wilson vala ussa tuttina puspè

L'atlet basilais Alex Wilson è ussa tuttina bloccà ad interim. Cun quai mancheta el ils gieus olimpics a Tokio. La divisiun adhoc dal Tribunal internaziunal dal sport ha approvà in recurs da l'Agentura anti-doping mundiala.

La divisiun adhoc dal Tribunal internaziunal dal sport ha approvà in recurs da l'agentura anti-doping mundiala. Cun quai reactivescha ella la bloccada provisorica ch'el aveva survegnì pervia d'in «potenzial surpassament da las prescripziuns d'anti-doping».

La bloccada n'haja però da far nagut cun ils records che Wilson è currì l'ultim temp.

video
Alex Wilson manchenta ils gieus olimpics
Or da Tagesschau dals 28.07.2021.
laschar ir

In cas cun pliras staziuns

Il mars passà era Wilson vegnì testà ordaifer las concurrenzas cun resultat positiv. Il test ha mussà las substanzas Trenbolon e Metabolits en la prova. Sin quai ha l'organisaziun «Antidoping Svizra» bloccà il Basilais Alex Wilson (30) provisoricamain. Cunquai ch'il recurs da Wilson era vegnì approvà, ha la chombra disciplinara schlià la bloccada definitivamain il fanadur. World Athletics e l'Agentura anti-doping mundiala n'han però betg vulì acceptar la decisiun da la chombra disciplinara ed ha da sia vart recurrì cunter lezza decisiun. E cun approvar quest recurs ha il Tribunal internaziunal dal sport era reactivà la bloccada provisorica.

Suenter il cas dal currider d'obstachels Kariem Hussein è il sprinter Alex Wilson il segund atlet svizzer che manchenta ils gieus olimpics a Tokio pervi d'ina bloccada.

Swiss Olimpic fiss dischillusiunà

Swiss Olympic inditgescha da savair da la procedura encunter Alex Wilson pir dapi paucs dis. Sin la homepage scriva Swiss Olympic ch'ins deploreschia la bloccada. L'organisaziun fiss dentant dischillusiunà, sche la chaussa avessia da vegnir confermada.

RTR novitads 08:00

Artitgels legids il pli savens

Scrollar a sanestra Scrollar a dretga