La Associaziun svizra da ballape e la Swiss Football League han undrà a la Swiss Football Night en il Casino Berna las meglras giugadras ed ils megliers giugaders per lur prestaziuns durant l'onn chalendar 2023.
Sco meglra giugadra da l’onn en il team naziunal è vegnida premiada Lia Wälti. Gia il 2021 ha Wälti dastgà prender encunter il premi sco «Female National Player».
video
Wälti: «Igl è impurtant che nus avain las medemas pussaivladads sco ils umens.»
Or da Sport-Clip dals 16.01.2024.
laschar ir. Durada: 2 minutas 36 Secundas.
Tar ils umens ha Granit Xhaka triumfà sco gia l'onn passà. Il capitani da l'equipa naziunala è dapi ils 15 da november 2023 sulet goli da record en chaussa gieus internaziunals. En il fratemp ha el dà 121 gieus en il tricot da Nati. Il Basilais è stà en tut las 10 partidas da la qualificaziun per l'EM sin il plaz ed ha sajettà 2 gols.
video
Xhaka: «Igl è spezial, cunzunt tar questa concurrenza.»
Or da Sport-Clip dals 16.01.2024.
laschar ir. Durada: 2 minutas 46 Secundas.
