La skiunza grischuna Jasmine Flury n'è betg mo campiunessa mundiala da la cursa rapida, mabain era anc la «atleta da naiv da l'onn». A la Swiss Ski Night è ella vegnida undrada cun quest ulteriur titel.
Tar ils umens ha la giuria tschernì Marco Odermatt sco atlet da l'onn. Odermatt è era vegnì tschernì dal public.
Tranter ils nov premis en sis categorias hai dà in'ulteriura grischuna: la biatleta Alessia Laager da Samedan ha gudagnà il premi «Nordic Rookie da l'onn», sco meglra atleta giuvna dal ski nordic.
