Siglir tar il cuntegn

Header

video
Proxima preschentaziun suverana da Bencic
Or da Tokyo 2020 Clips dals 26.07.2021.
laschar ir
cuntegn

Tennis Bencic en l'otgavel final, Golubic è out

Belinda Bencic stat en l'otgavel final dal turnier da tennis olimpic. Ella ha gudagnà en dus sets cun 6:2 e 6:4 cunter la Giapunaisa Misaki Doi (WTA93). Bencic n'era betg pli uschè dominanta sco en l'emprima runda cunter Jessica Pegula. La finala ha ella dentant tuttina gudagnà a moda suverana. En l'otgavel final frunta Bencic sin la victura dal French Open, Barbora Krejcikova (WTA11) da la Tschechia.

Osaka memia ferm per Golubic

Per Viktorija Golubic è il turnier da tennis en il singul a fin suenter la segunda runda: La Svizra ha pers cunter la matadura locala Naomi Osaka cleramain en dus sets cun 3:6 e 2:6. La Giapunaisa vala sco ina da las favuritas per la medaglia d'aur. Quai tant dapli suenter ch'il numer 1 dal mund, Ashleigh Barty da l'Australia, è surprendentamain crudada or en l'emprima runda.

video
Golubic: «Ich habe ihr zu viele Geschenke gemacht»
Or da Tokyo 2020 Clips dals 26.07.2021.
laschar ir

Per Golubic n'èn ils gieus olimpics dentant anc betg a fin. Ella gioga anc ensemen cun Belinda Bencic il dubel.

RTR novitads 06:00

Artitgels legids il pli savens

Scrollar a sanestra Scrollar a dretga