Siglir tar il cuntegn

Header

cuntegn

Tokio 2021 Federer, Bencic e Golubic annunziads per gieus olimpics

Cun Roger Federer, Belinda Bencic e Viktorija Golubic stattan trais giugaders da tennis sin la glista uffiziala per ils gieus olimpcis a Tokio. Sche Federer va propi, n'è anc betg cler.

Legenda: Roger Federer vul decider pir suenter il turnier da Wimbledon sch'el va propi a Tokio. Keystone

Per Federer fissan quai ils 5avels gieus olimpics. El ha dentant declerà a Wimbledon ch'el vul pir decider a la fin dal turnier, schel va propi. Il 2008 ha el gudagnà aur en il dubel cun Stan Wawrinka. Quatter onns pli tard, ha el fatg argient, suenter ch'el ha spers encunter Andy Murray.

Bencic e Golubic, che dattan er en il dubel, han gia confermà lur participaziun. Tgi che dat lura il mixed dubel, vegn decidì pir a Tokio. Ils turniers da tennis dals gieus olimmpics han lieu dals 24 da fanadur fin il prim d'avust.

A mancar sin segir or dals top ten vegnan il Spagnol Rafael Nadal e Roberto Bautista Agut, l'Austriac Dominic Thiem, la Rumena Simona Halep sco er las Americanas Serena Williams e Sofia Kenin.

Artitgels legids il pli savens

Scrollar a sanestra Scrollar a dretga