Siglir tar il cuntegn

Header

cuntegn

Tokyo 2021 Nagina surpraisa tar la selecziun da mountainbike

Nino Schurter po planisar ses viadi als gieus olimpics da stad a Tokyo. Swiss Olympic ha nominà oz definitiv il mountainbiker grischun per quest punct culminant.

En il Giapun vul Schurter defender ses titel da campiun olimpic dal 2016 a Rio. A la partenza dastga er ir Mathias Flückiger, er quai n’è nagina surpraisa. Cumplettà vegn il trio dal giuven Tessinais Filippo Colombo, quai sch’el sa revegn endretg da sia blessura. Colombo era cupitgà l’entschatta matg tar l’emprima cursa da la cuppa mundiala ad Albstadt. Tar las dunnas pon ir a la partenza a la cursa da mountainbike Jolanda Neff, Sina Frei e Linda Indergand.

Ils gieus olimpics a Tokyo cumenzan ils 23 da fanadur e cuzzan duas emnas.

RTR novitads 15:00;

Artitgels legids il pli savens

Scrollar a sanestra Scrollar a dretga