Cursas da la cuppa mundiala dad auta qualitad, fullas da glieud ch’èn vegnidas a mirar las cursas, nagins incaps ed ina victoria svizra tar il sprint da las dunnas. Uschia tiran ils organisaturs da la cursa dal Tour de ski en Val Müstair bilantscha da la fin d’emna. Er sche la sisavla ediziun ha stuì sbatter cun problems finanzials e cun temperaturas da primavaira, èn ils organisaturs cuntents cun l’ediziun da quest enviern.
Guido Mittner: «A la fin sun jau cuntent»
Il president dal comité d’organisaziun dal Tour de ski en Val Müstair tira ina bilantscha positiva. Malgrà tut las difficultads durant l’organisaziun èn las cursas gartegiadas, e la Val Müstair ha danovamain pudì sa preschentar en ina buna glisch. Tuts èn cuntents che tut ha funcziunà tenor giavisch.
En Val Müstair, ins crai vi d'ina successiun
Sis giadas schon ha quai dà cursas dal Tour de ski en Val Müstair, e la cursa duess er en il futur far fermativa en il Grischun dal Sid. Lura sper’ins dentant che la vischnanca da Val Müstair, ed uschia er la Regiun Engiadina Bassa / Val Müstair – sustegnan la concurrenza finanzialmain. Questa giada ha ins desisti sin quest sustegn finanzial. Ins ha organisà la munaida necessaria sur sponsurs ed auters chanals. Quai na duai dentant betg daventar la normalitad.
