Tour de Suisse Frauenfeld - Chabbey manchenta victoria per 1 secunda

L'emprima victura dal Tour de Suisse Women sa numna Elizabeth Deignan. L'anteriura campiunessa mundiala da velo da la Gronda Britannia ha pudì surpassar en la segunda ed ultima etappa dal tour la Svizra Elise Chabbey grazia a secundas da bonus gudagnadas en divers sprints intermediars. La finala ha Deignan triumfà cun in avantatg da be ina secunda sin la Genevrina. Terza vegn la Bernaisa Marlen Reusser e quarta Jolanda Neff.