A Belinda Bencic è gartegià il start da la nova stagiun. La campiunessa olimpica è sa qualifitgada per la segunda runda dal turnier da WTA a Sydney. Ella ha gudagnà cunter la Brasiliana Beatriz Haddad Maia en dus sets cun 6:3 e 6:2. En la proxima runda frunta Bencic sin la qualificanta franzosa Oceane Dodin.
Per Jil Teichmann è il turnier da WTA ad Adelaide percunter a fin suenter l'emprima runda. Ella ha pers cunter l'Americana Lauren Davis en trais sets.