Ed il Portugal ha cuntanschì la victoria senza lur superstar Cristiano Ronaldo. Suenter 25 minutas ha quel stuì bandunar cun larmas en ils egls il plaz, tutgà d’ina dira intervenziun dal Franzos Dimitri Payet.
Gol durant fasa da pressiun portugaisa
La decisiun per ils Portugais è crudada en la 109avla minuta. L’attatgader da 28 onns Eder vegn da batter cun in bun sajet il goli franzos Hugo Lloris, quel n’era quest mument betg dal tut pront. Dal tut ina surpraisa n’è il gol portugais dentant betg stà. Ina minuta avant aveva Raphael Guerreiro mess in culp liber vid la part sut da la latta.
-
Bild 1 von 9. Il mument decisiv: Eder fa il 1:0 en la prolungaziun. Bildquelle: Keystone.
-
Bild 2 von 9. Il Portugais Eder (sanester) ha procurà per la decisiun en il final a Paris. Bildquelle: Keystone.
-
Bild 3 von 9. L’equipa portugaisa cun ses trenader Fernando Santos che preschenta il pocal. Bildquelle: Keystone.
-
Bild 4 von 9. Ils giugaders portugais festiveschan Eder (sanester) che ha marcà il gol decisiv. Bildquelle: Keystone.
-
Bild 5 von 9. Ils fans portugais sa legran da l'emprim grond titel. Bildquelle: Keystone.
-
Bild 6 von 9. Euforia dad ina vart... Bildquelle: Keystone.
-
Bild 7 von 9. ...e dischillusiun da l'autra vart. Bildquelle: Keystone.
-
Bild 8 von 9. Fans dischillusiunads da la Frantscha. Bildquelle: Keystone.
-
Bild 9 von 9. Dasper la zona da fans a Paris datti confruntaziuns tranter la polizia e giuvenils. Bildquelle: Reuters.
Franzos cun fitg bunas schanzas
L’equipa franzosa da sia vart avess stuì decider il final da l’Euro en il temp regular. Lura èn els numnadamain stads la meglra equipa ed han gì dapli schanzas ch’il Portugal. Tranter la 66avla e la 84avla minuta han Antoine Griezmann, Olivier Giroud e Moussa Sissoko manchentà fitg bunas schanzas u ch’il goli portugais Rui Patricio ha bloccà quellas.
In sajet en la pitga per ils Franzos
Ed era la Frantscha è stada fitg datiers da l’emprim gol en la prolungaziun. Curt suenter ch’el era entrà en il gieu, ha Pierre-André Gignac cugliunà il defensur portugais Pepe, dentant è ses sajet rebattì da la pitga.
Portugal è campiun europeic
Cravals suenter tschivel final
Sin ils Champs-Elysées ha la polizia agì cun gas lacrimogen cunter ils randaladers. Gia durant il gieu avevi dà problems tar la Tour Eiffel. Las autoritads avevan serrà quella perquai che l'areal era plain. Pliras 10 persunas èn tuttina entradas.
Durant l'emprima mesadad dal gieu ha la polizia perquai duvrà gas lacrimogen e pli tard er chanuns d'aua per impedir che fans entrian sin l’areal. En la vischinanza hai silsuenter dà ulteriuras dispitas tranter la polizia e giuvenils.
RR novitads 23:00