L'equipa d'unihockey ha gudagnà ses emprim titel da la stagiun. En il final dal Supercup a Winterthur gudognan las dunnas da Piranha Cuira cun 4:3 cunter las Kloten-Dietlikon Jets. Suenter esser stà 0:2 en dischavantatg ha l'equipa da Cuira fat 4 gols en fila, 3 da quels entaifer 2 minutas en il segund terz. Il 4:3 ch'è crudà 22 secundas avant la fin n'ha betg pli mida il resultat.
En avrigl aveva Piranha Cuira anc pers il Superfinal dal campiunadi svizzer cun 0:9 cunter Kloten-Dietlikon. Ussa è reussida la revantscha en il Supercup. La stagiun regulara cumenza als 11 da settember. Piranha Cuira gioga là cunter Laupen da Turitg.
Tar il Supercup dals umens ha Floorball Köniz gudagnà cun 6:4 cunter Rychenberg Winterthur.
