Siglir tar il cuntegn

Header

cuntegn

US Open 2022 Belinda Bencic out suenter la terza runda

video
Er Bencic è out a l'US Open 2022
Or da Sport-Clip dals 04.09.2022.
laschar ir. Durada: 3 minutas 14 Secundas.

Per Belinda Bencic è l’US Open a fin suenter la terza runda. La Svizra ha pers cunter la Tscheca Karolina Pliskova en trais sets cun 7:5, 4:6 e 3:6. La partida ha cuzzà duas uras e mesa. Suenter ch’era la campiunessa olimpica è out, na fan naginas Svizras e Svizzers pli part da l’ultim turnier da Grand Slam da l’onn.

Karolina Pliskova frunta en l'otgavelfinal sin Victoria Azarenka dal Belarus.

La terza runda

Belinda Bencic è en la terza runda da l'US Open. Cunter la Rumena Sorana Cirstea ha la giugadra da tennis svizra gudagnà cun 3:6, 7:5 e 6:2. Bencic ha nizzegià la segunda balla da matsch. En la terza runda la sonda frunta Belinda Bencic uschia sin Karolina Pliskova da la Tschechia.

La segunda runda

Durant la notg da mardi sin mesemna ha Belinda Bencic battì la Tudestga Andrea Petkovic cun 6:2, 4:6 e 6:4. Per Petkovic era quai l'ultim matsch da sia carriera. Bencic gioga sia proxima partida gievgia encunter la Rumena Sorana Cirstea. Ella è il dumber 37 dal mund.

video
Bencic: «Sun leda ch'jau hai pudì ma cumbatter tras»
Or da Sport-Clip dals 31.08.2022.
laschar ir. Durada: 2 minutas 18 Secundas.

Marc-Andera Hüsler perda suenter in lung cumbat e bunas schanzas da gudagnar cunter il dumber 21 dal mund Denis Shapovalov  cun 6:2, 4:6, 4:6, 6:3 e 1:6.

Hüsler: «Sun tris ch'jau n'hai betg pudì nizzeriar mias schanzas»
Or da Sport-Clip dals 31.08.2022.

Stan Wawrinka aveva in di avant stuì dar si en l'emprima runda cunter il Franzos Corontin Mouté – quai tar in stan da 4:6 e 6:7. Cunter la fin dal segund set ha Wawrinka pliras giadas tutgà sia coissa. Ses fisioterapeut ha pliras giadas stuì tractar el sin la plazza.

video
Wawrinka: «Giugar vinavant fiss stà memia ristgant» (SRF)
Or da Sport-Clip dals 30.08.2022.
laschar ir. Durada: 2 minutas 6 Secundas.

Alexander Ritschard ha pers cunter Félix Osche-Aliasim dal Canada cun 3:6, 4:6, 6:3 e 3:6. Il gieu ha cuzzà passa trais uras.

video
Resumaziun dal gieu dad Alexander Ritschard (SRF)
Or da Sport-Clip dals 30.08.2022.
laschar ir. Durada: 2 minutas 40 Secundas.

E la Svizra Jil Teichmann perda cunter la Chinaisa Shaui Zhang cun 4:6 e 2:6. Per ella èsi gia la terza giada ch'ella croda or gia en l'emprima runda d'in grond turnier da tennis.

video
Teichmann: «Ils muments impurtants n'hai jau betg giugà bain»
Or da Sport-Clip dals 30.08.2022.
laschar ir. Durada: 2 minutas 4 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga