Ina cumissiun disciplinara duai sclerir la probabl'emprova da rapiment da la sprintra bielorussa Kristina Timanowskaja. Tenor il Comité olimpic internaziunal IOC stoppian cunzunt dus funcziunaris da la Bielorussia sa responsar. Quels duain avair cumandà a Timanowskaja da turnar en sia patria, perquai ch'ella aveva crititgà els en las medias socialas.
Entant ha Timanowskaja survegnì in visum umanitar en la Pologna. Mesemna suentermezdi è l'atleta sa tschentada a Vienna. Ella vegnia survegliada rigurusamain a l'eroport, ha ditg in pledader dal ministeri da l'exteriur austriac. Il viadi duai cuntinuar anc il medem di da Vienna en direcziun Pologna.