Podcast, radio, videos e fotografias davart il tema «fortuna»: Durant ina emna emprendan 14 uffants da la scola da San Murezzan co far medias. Mintgina e mintgin po far quai ch'interessa ella u el il pli fitg.
Podcast
Quatter scolaras e scolaras discurran en lur podcast tranter auter davart la fortuna, il futur e las ultimas emnas da scola.
Durant 34 minutas discutan Seida, Leonardo, Alessia e Leon tge emprendissadis u studis ch'i fan, tge che fortuna munta per els quatter e tge che fa ellas ed els cuntent.
-
Bild 1 von 5. Ils podcasters e las podcastras dal futur. Bildquelle: RTR.
-
Bild 2 von 5. Preparaziun per il podcast. Bildquelle: RTR.
-
Bild 3 von 5. Alessia, Leonardo, Seida e Leon vi da registrar il podcast. Bildquelle: RTR.
-
Bild 4 von 5. Per registrar in podcast na dovri betg bler material. Bildquelle: RTR.
-
Bild 5 von 5. Raffael guarda che la tecnica funcziuna. Bildquelle: RTR.
Videos
Louis, Roberto, Marisa e Santiago èn ids a dumandar las persunas da San Murezzan davart «fortuna».
Tge è fortuna per tai? Cura has ti gia fortuna la davosa giada? Crais ti ch'ins è sez responsabel per l'atgna fortuna?
-
Bild 1 von 3. Introducziun vi da la camera. Bildquelle: RTR.
-
Bild 2 von 3. Tagliar ensemen il material filmà. Bildquelle: RTR.
-
Bild 3 von 3. Ils uffants daventan profis da tagl. Bildquelle: RTR.
Toc explicativ
-
Bild 1 von 4. Tinet e Laurin vi da registrar il voice over. Bildquelle: RTR.
-
Bild 2 von 4. Far medias è lavur da team. Bildquelle: RTR.
-
Bild 3 von 4. Speranza tegn la camera! Bildquelle: RTR.
-
Bild 4 von 4. Era Alessia legia il voice over dal toc explicativ. Bildquelle: RTR.
En il toc explicativ decleran Penelope, Igor, Laurin, Alessia e Barbara tge che fortuna po tut esser. Perquai han els dissegnà, explitgà e filmà tut en la stanza da scola. Quai en rumantsch e tudestg.
Fotografias
Las scolaras ed ils scolars preschentan lur lieu preferì a San Murezzan. Quai fani cun ina fotografia dal lieu e registrar cun il microfon pertge che quel lieu dat fortuna ad ellas ed els.
Radio
Vinavant èn ils uffants stads per las vias cun il microfon ed han tranter auter dumandà las persunas da San Murezzan, sin tge ch'ellas ed els sa legran da far en las vacanzas da stad.