In'emna – blera creativitad
Ensemen cun la scola primara da Sedrun realisescha RTR dals 17 fin ils 20 da november emissiuns per radio, televisiun ed il mund digital.
Las scolaras ed ils scolars da la terza fin sisavla classa realiseschan cun in team da RTR trais uras da radio live, creeschan lur atgna emissiun dal «Minisguard», cumponan ina chanzun cun in video e fan cuntegn per las plattafurmas online.
Gievgia – Oz èsi premiera
Il davos di a Sedrun è arrivà. El radio è la chanzun dals uffants stada d'udir l'emprima giada.
Ed era a l'ultim di dal project a Tujetsch datti puspè ina emissiun live en il radio. Questa giada ha Angela Hendry survegnì agid da Justin, Noel, Gian ed Anuk.
Mesemna – finir tant sco pussaivel
La mesemna han il uffants da finir uschia bleras chaussas sco pussaivel avant il suentermezdi liber. Quai munta filmar il video da musica, far ultimas intervistas e tagliar contribuziuns.
-
Bild 1 von 12. Intgins scolars e scolaras da la gruppa da radio fladunan l'aria da social media. Bildquelle: RTR.
-
Bild 2 von 12. Quai munta da discutar sco emprim las ideas en il team. Bildquelle: RTR.
-
Bild 3 von 12. En in'autra stanza da scola vegn filmà il clip per la chanzun che scolaras han fatg. Bildquelle: RTR.
-
Bild 4 von 12. Bunamain sco en ina disco. Bildquelle: RTR.
-
Bild 5 von 12. Tge fan ils uffants qua? Bildquelle: RTR.
-
Bild 6 von 12. Natiralmain in bel dissegn per il «Minisguard» da Sedrun. Bildquelle: RTR.
-
Bild 7 von 12. Per il solo ha la scolara da star en il center. Bildquelle: RTR.
-
Bild 8 von 12. La gruppa da musica han inventà ina choreografia tar lur chanzun. Bildquelle: RTR.
-
Bild 9 von 12. Il videoclip vegn era filmà da las scolaras ed ils scolars. Bildquelle: RTR.
-
Bild 10 von 12. Quai dat buna luna. Bildquelle: RTR.
-
Bild 11 von 12. La glisch constat, la camera funcziuna e tuts han buna luna. Bildquelle: RTR.
-
Bild 12 von 12. La gruppa dal «Minisguard» ensemen cun Ronja Muoth. Bildquelle: RTR.
Ed era oz datti puspè ina emissiun live en il radio. Oz cun ils dus co-moderaturs: Aileen e Gian Luca.
Il team dals reporters ha era rimnà diversas intervistas cun persunas impurtantas dal vitg. Tut las intervistas sur da l'Axpo, AutoBerther, il bogn cuvretg ed il museum «La Truaisch» pudais vus tadlar qua.
Mavi, Leon e Neo mussan co che la gruppa da musica sa sentiva davos las culissas da ses videoclip.
Mardi – lavur va vinavant, era live en il radio
Bunamain tuttas gruppas da project han oz bandunà la chasa da scola per rimnar cuntegn. La notg hai navì ed uschia eri da sa trair en chaud. Oz èsi vegnì filmà in'entira massa.
-
Bild 1 von 17. Iouri e Yann da la quarta classa discurran live en il radio ensemen cun la moderatura Angela Hendry. Bildquelle: RTR.
-
Bild 2 von 17. Ils moderaturs e la moderatura han gì in public durant moderar. Bildquelle: RTR.
-
Bild 3 von 17. Il team Minisguard a filmar tar la nova sutgera en Val Val. Bildquelle: RTR.
-
Bild 4 von 17. Durant quest'emna èn ils scolars e las scolaras tranter auter umens da camera u moderaturas. Bildquelle: RTR.
-
Bild 5 von 17. Scriver ils texts per il toc explicativ dat ina massa lavur. Bildquelle: RTR.
-
Bild 6 von 17. Durant las registraziun dovri quietezza. Bildquelle: RTR.
-
Bild 7 von 17. Per ch'ins haja il meglier tun, sto il text vegnir prelegì pliras giadas. Bildquelle: RTR.
-
Bild 8 von 17. Il team dal toc explicativ durant sia lavur. Bildquelle: RTR.
-
Bild 9 von 17. Iouri en l'intervista cun ses bab Georg Bearth ch'è chavacristallas. Bildquelle: RTR.
-
Bild 10 von 17. Yann en l'intervista cun Vanessa Tuor, commembra dals Vagabunds. Bildquelle: RTR.
-
Bild 11 von 17. Plain concentraziun durant l'emissiun da radio live. Bildquelle: RTR.
-
Bild 12 von 17. Udir l'atgna vusch en il radio – in sentiment spezial. Bildquelle: RTR.
-
Bild 13 von 17. Gian durant l'intervista cun Arthur Caduff che raquinta davart sia lavur en il Bogn Sedrun. Bildquelle: RTR.
-
Bild 14 von 17. Rimnar tuns ed impressiuns dal vitg. Bildquelle: RTR.
-
Bild 15 von 17. È quai il nov um da camera da RTR? Bildquelle: RTR.
-
Bild 16 von 17. Per pudair producir in agen «Minisguard» sto l'emprim anc vegnir guardà in. Bildquelle: RTR.
-
Bild 17 von 17. Aileen ha explorà l'istorgia da la regiun en il museum La Truaisch. Bildquelle: RTR.
La gruppa da radio da la scola da Tujetsch ha il mardi l'emprima giada fatg radio live e pudì preschentar lur emprimas contribuziuns.
Sche Iouri ed Yann eran gnervus, pudais tadlar en l'emprima emissiun radio live.
Las diversas gruppas èn era oz vegnidas accumpagnadas dal team da film. Bigna, Levin e Finn mussan tge ch'els han oz tut vis.
Glindesdi – rimnar ideas per contribuziuns
Per ils uffants da Sedrun ed il team da RTR era il glindesdi in di fitg creativ. Planisar l'emna, realisar l'emprim cuntegn e cumponer ina chanzun.
-
Bild 1 von 20. Ideas per il toc explicativ vegnan scrittas si. Bildquelle: RTR.
-
Bild 2 von 20. Mintgin e mintgina ha plaschair da quest di interessant. Bildquelle: RTR.
-
Bild 3 von 20. Ils reporters èn pronts per far intervistas. Bildquelle: RTR.
-
Bild 4 von 20. In bun team. Bildquelle: RTR.
-
Bild 5 von 20. Ayden en l'intervista cun Ronny Levy ch'è part da la gruppa da tschaiver ils Royals. Bildquelle: RTR.
-
Bild 6 von 20. I vegn zambregià. Bildquelle: RTR.
-
Bild 7 von 20. Mintga uffant survegn ses agen cup da popcorn per la premiera. Bildquelle: RTR.
-
Bild 8 von 20. Colurar in set da tic tac toe per las pausas na dastga betg mancar. Bildquelle: RTR.
-
Bild 9 von 20. Durant pausa. Bildquelle: RTR.
-
Bild 10 von 20. Scriver ina chanzun n'è gnanc uschè simpel. Bildquelle: RTR.
-
Bild 11 von 20. Per registrar la chanzun avain montà in studio. Bildquelle: RTR.
-
Bild 12 von 20. Las ideas per il text e la melodia vegnan discutadas. Bildquelle: RTR.
-
Bild 13 von 20. Cun agid da Marcus Petendi funcziuna la registraziun senza incaps. Bildquelle: RTR.
-
Bild 14 von 20. Las emprimas intervistas cun las conscolaras. Bildquelle: RTR.
-
Bild 15 von 20. Mintga maletg sto constar. Bildquelle: RTR.
-
Bild 16 von 20. Ils tuns registrads vegnan tadlads ed era tagliads. Bildquelle: RTR.
-
Bild 17 von 20. I vegn fatg in'entira massa intervistas. Bildquelle: RTR.
-
Bild 18 von 20. Zambregiar, zambregiar, zambregiar... Bildquelle: RTR.
-
Bild 19 von 20. Ils uffants pon esser creativs l'entir di. Bildquelle: RTR.
-
Bild 20 von 20. Co funcziuna ina camera? Quai vegn declerà oz. Bildquelle: RTR.
Tge ch'è capità davos las culissas mussan Louisa, Rocco ed Angelina en in filmin da duas minutas.
Tuttas e tuts pon oz ir cun grond success e cun in bun sentiment a chasa. Damaun vai vinavant cun la producziun da las singulas emissiuns.
Las emprimas entupadas en chasa RTR ed a Sedrun
Per che l'emna da project funcziuna dovri in bun team. Perquai han ils uffants gia fatg ordavant ina visita en chasa RTR ed era il team da RTR ha fatg il viadi a Sedrun. Qua èn gia vegnidas discutadas emprimas ideas da cuntegn, che duess vegnir realisà. Emprimas impressiuns chattais qua:
-
Bild 1 von 4. Ils uffants en il studio dal Telesguard. Bildquelle: RTR.
-
Bild 2 von 4. Ina visita en il studio da radio n'ha betg dastgà mancar. Bildquelle: RTR.
-
Bild 3 von 4. Ils scolars e las scolaras da Sedrun sa legran sin l'emna cun RTR. Bildquelle: RTR.
-
Bild 4 von 4. Per in'emna surpiglian ils uffants da Sedrun la producziun dal Minisguard. Bildquelle: RTR.