Il material
- 3 palpiris en differents oranschs
- palpiri verd
- palpiri brin
- palpiri alv
- colla
- forsch
- rispli
- gumma
- fieuter nair
- lingera
Pass per pass
- Dissegna tschintg ovals sin ils differents palpiris oranschs. Da duas colurs datti mintgamai dus ovals, dad ina colur mo in oval. Ti pos decider.
- Taglia or ils tschintg ovals.
- Dissegna sin il palpiri verd in fegl da la zitga ed ina strivla da 20 cm lunghezza e da ca. 1 cm ladezza e sin il palpiri brin in fusti per la zitga. Taglia or il fegl, la strivla ed il fusti. Ussa duessas ti avair otg tocs davant tai.
- Dissegna dus ovals sin in palpiri alv.
- Uss entschavain nus a tatgar ensemen nossa zitga. Prenda ils tschintg ovals. Prenda l’emprim oval e tatga il proxim in zichel sur quel en, fa tuttina cun il proxim oval ed uschia vinavant, fin che ti has la zitga entira davant tai. (Impurtant: adina variar ils differents oranschs.)
- Tatga il fusti il pli sisum la zitga e dasper il fegl. Ti dastgas era malegiar insatge sin il fegl.
- Prenda sco proxim ils dus ovals alvs. Quai èn ils egls che ti pos tatgar sin la zitga.
- Malegia si pupillas cun in fieuter nair. Sut ils egls dastgas ti anc malegiar la bucca.
- Uss avessas ti anc d’avair la strivla verda. Struvegia quella enturn in rispli, uschia ch’ella sa rolla en.
- Tatga la finala la rolla sisum la zitga e la lascha rullar sin la vart che plascha a tai.
Pass per Pass
