Siglir tar il cuntegn

Header

cuntegn

Zambregiar Lieurs da palpiri

Cun palpiri ed in per auters materials sas ti en curt temps far ina legra lieur per far termagls cun tia detta.

Ils materials

  • palpiri da colur en la grossezza 300 g/m2 tbd
  • perfurader
  • pompons da chenille per ils egls
  • launa
  • fieuter nair
  • colla
  • forsch

Pass per pass

    1. Dissegnar dus  rudels da differenza grondezza sin in fegl da palpiri. (Sco agid pon ins duvrar magiels u er in circul).
    2. Tagliar ils dus rudels.
    3. Dissegnar duas ureglias da lieur sin in fegl. Sin in fegl d’ina autra colur dissegnar ureglias pli pitschnas per metter en las ureglias pli grondas.
    4. Tagliar ora las quatter ureglias.
    5. Tatgar ensemen ils dus rudels.
    6. Tatgar l’ureglia pli pitschna en l’ureglia gronda.
    7. Tatgar las ureglias da la vart davos dal rudè pli pitschen.
    8. Tagliar ora in pitschen rudè per far il nas.
    9. Tagliar ora 3 pitschens tocs da la launa per duvrar sco barbis da la lieur.
    10. Tatgar la launa sin il rudè pli pitschen.
    11. Tatgar il nas sin la launa.
    12. Tatgar si ils egls.
    13. Dissegnar la bucca da la lieur cun il fieuter nair.
    14. Far duas rusnas per la detta cun agid dal perfurader.

Artitgels legids il pli savens