Dapi 10 onns alarmescha, avertescha ed infurmescha la Confederaziun sper las sirenas ed ils radios da la SSR era online. Quai sin la plattafurma Alert.Swiss e cun l'app AlertSwiss (iOs ed Android). La plattafurma cumpiglia infurmaziuns ed avertiments actuals che valan en l'entira Svizra. Ella cumpiglia però era las funcziunalitads d'alarmar la populaziun en cas d'urgenza ed emergenza. Sper l'alarm da sirenas ed era sur il radio, saja quai ina furma pli adattada als basegns dad ozendi, uschia ch'ins cuntanschia anc dapli persunas. Ultra da quai saja l'accessibilitad megliera era senza barrieras. Fin ussa sajan bun 2,2 milliuns utilisadras ed utilisaders sa registrads. Tenor l'Uffizi per la protecziun da la populaziun in dumber respectabel. Ins n'haja però nagin dumber en mira. Il pli impurtant è tenor l'Uffizi federal per la protecziun da la populaziun ch'ins possia uschia cuntanscher anc dapli persunas. Sin la plattafurma possian ins drizzar en sez, tge funcziunalitads ch'ins vul - e da tge chantuns.
Tuttina na vegnia quella furma betg a pudair remplazzar las furmas tradiziunalas (sirena, radio), perquai che la ristga che l'infrastructura da servers u il provediment electric vegnian era attatgads e dettian ensemen. Per tals cas sajan las sirenas ed il radio vinavant necessaris. Tar l'alarmaziun, l'avertiment ed ulteriuras infurmaziuns sajan tut quests chanals cumplementars - ed impurtants
Tuttina na vegnia quella furma betg a pudair remplazzar las furmas tradiziunalas (sirena, radio), perquai che la ristga che l'infrastructura da servers u il provediment electric vegnian era attatgads e dettian ensemen. Per tals cas sajan las sirenas ed il radio vinavant necessaris. Tar l'alarmaziun, l'avertiment ed ulteriuras infurmaziuns sajan tut quests chanals cumplementars - ed impurtants
