L'applicaziun «Plantura»
Quella porscha d'ina vart tips e trics per far iert e curtin. Davent da co ir enturn cun lindornas fin a tips tge fluras u ervas ch'èn adattadas per tge lieu euv.
En pli porscha ella in planisader d'iert nua ch'ins po inditgar intginas infurmaziuns davart l'agen iert sco bler u pauc sulegl, en vaschs sin terassa u direct en la terra, tge ch'ins plantass gugent euv. In po er inditgar sch'ins è plitost noviz u ha gia in pau idea da far iert. Silsuenter porscha l'applicaziun ina survista en furma da calender cun tips e trics specifics per las atgnas plontinas sco er tge lavurs da tgira ch'èn mintgamai da far cura e nua.
«floretia.ch»
La pagina d'internet porscha cussegl per tut quels e quellas che lessan plantar fluras, ervas e legums indigens. L'idea davostiers è da promover plantas e plantinas ch'èn da natira ennà indigenas en nossas cuntradas ed uschia promover la biodiveritad. Cun paucas indicaziuns davart il lieu e pussaivels giavischs sco far insatge dal bun per insects u la colur, survegnan ins ina glista cun recumandaziuns ed ils tips co tgirar las plantinas.
Uschia na stat nagut pli en via ad in bun onn da iert cun ina vasta raccolta.
Tge chins po far lura cun tut questas bunas ervas, chattais Vus en lemissiun «nossa cuschina»
