Dapi che Elon Musk ha surpiglià Twitter, dà il num X ed instradà ina strategia main filtrada, cumbatta la plattafurma cun renfatschas da pled instigant e fake news e sco consequenza cun in donn da reputaziun. 13% dals users han bandunà la plattafurma sco che la firma da retschertga «Apptopia» rapporta ed era la svieuta cun reclamas suttastritga quest svilup.
Tuttina resta X anc adina la pli impurtanta plattafurma per communicaziuns cun texts curts. Il motiv è che las alternativas sco Bluesky, Mastodon e Threads n'èn betg etablidas. Uschia salvan diversas firmas ed instituziuns tuttina lur accounts sin X er sch'els n'èn per part betg propi activs. Ma era qua datti differernzas: Entant che la Banca Chantunala Grischuna e la Viafier retica n'èn strusch activas dovran la FHGR, il chatun u l'ospital chantunal plitost lur accounts.