Da permanentamain tegnair en egl ina pagina d'internet, u las novitads, n'è strusch pussaivel. Per in computer è quai dentant simpel, ed i dat spezials servetschs per quai.
Vul ins per exempel vegnir infurmada, sch'igl è vegnì scrit ora novas abitaziuns per prender a fit a Scuol, lura pon ins far in «Google Alert». Quai funcziuna uschia:
Avrir «www.google.ch/alerts». En ina fanestra che s'avra, pon ins nudar ils interess. Per survegliar abitaziuns libras a Scuol, per exempel inditgar «abitaziuns Scuol».
En las opziuns pon ins nudar: «Notificaziuns: immediat», «Funtauna: web» e «lingua: n'emporta betg». Ins dovra sulettamain in konto tar Google.
Sch'ins vul dentant betg duvrar Google, datti alternativas. Cun «www.visualping.io» pon ins laschar survegliar singulas paginas d'internet. Spetg'ins per exempel enfin che la Casa Depuoz publitgescha plazzas libras novas, dovr'ins simplamain l'adressa d'internet. Cun in pau pazienza pon ins indrizzar il servetsch ch'infurmesch'ins bainsvelt.
