Siglir tar il cuntegn

Header

audio
Pixabay
laschar ir. Durada: 4 minutas 45 Secundas.
cuntegn

Verifitgar fotografias cun agid d'in «certificat da naschientscha»

I vegn adina pli grev da savair tge che vair u manipulà tar fotografias en l'internet, ed oravant tut sin plattafurmas socialas. Perquai è sa furmada in'allianza d'interpresas e chasas da medias per sviluppar in standart per levgiar la verificaziun da fotografias, e pli tard era videos ed audios.

La gruppa cun il num «CAI – Content Autenticity Initiative» ha sviluppà in tool per guardar las metadatas d'ina fotografia. Pia las datas integradas, dentant betg vesiblas en la fotografia.

Cun agid da programs d'elavurar fotografias vegnan quellas datas integradas en la fotografia, e mussan tge ch'è vegnì fatg cun quella. Sche zatgi vul zuppar, che la fotografia è vegnida manipulada, e mida questas datas, u stizza ina part, vesan ins quai cun il tool da CAI.

Enfin ussa cumenzava questa registraziun e controlla pir cun la manipulaziun en il program. Il producent da cameras Leica ha sviluppà l'emprima camera, ch'ha integrà in chip, che signescha directamain ina fotografia, il mument ch'ella vegn fatga.

Questa signatura digitala vala quasi sco «certificat da naschientscha», e dat la pussaivladad da verifitgar la via da la fotografia, enavos enfin tar il «click» da la camera.

Dapli da «Il Digitip - il tip digital»

Scrollar a sanestra Scrollar a dretga