Fitg simpel – telefona la sonda a las 08:18 al numer gratuit 0800 20 25 30.
🎯 Uschia funcziuna il gieu
ti survegns 3x duas pretensiuns e stos mintgamai decider tgenina da quellas duas ch’è correcta
las respostas correctas vegnan dumbradas ensemen
dus blocs da pretensiuns reguardan la savida generala
in bloc cuntegna duas pretensiuns pertutgant il «Minisguard» actual – pia il meglier gist guardar, lura è ina da las respostas simpelischma
🎁 Tge pos ti gudagnar?
Has ti trais respostas correctas? Lura survegns ti trais bons, actualmain èn quai bons dal Volg (valur per bon CHF 10.–) ed in cool regalin da surpraisa da RTR.
Has ti damain che trais respostas correctas? Nagin problem! Ti survegns tuttina il cool regalin da RTR ed in grond applaus 👏per participar.
Impurtant: Uffants che participeschan na pon per in mais betg pli prender part al «Kikeri kids» – grazia per vossa fairness, uschia han er auters uffants la schanza d’esser da la partida.
Cundiziuns da participaziun
Avrir la boxSerrar la box
La participaziun al gieu è averta per tut las persunas da 5 fin 12 onns. Betg participar pon las collavuraturas ed ils collavuraturs (e lur confamigliars) da la SRG SSR, sias societads affiliadas sco era partenaris e/u incumbensaders ch’èn eventualmain involvids. En cas da dumondas d’interpretaziun decida RTR definitivamain.
Uffants che participeschan na pon per in mais betg pli prender part al «Kikerikids»
Davart la concurrenza/il gieu na vegn betg manada ina correspundenza.
Premis/gudogns: in pajament en daner contant n’è betg pussaivel.
La via giuridica è exclusa.
Il num ed il lieu da domicil dal victur u da la victura pon vegnir publitgads sin l’emettur e/u sin la pagina d’internet da RTR (inclusiv agens chanals da social media). Cun participar va la participanta/il participant d’accord che las datas communitgadas da sia vart vegnan duvradas per trametter ils premis.
Nossa decleraziun davart la protecziun da datas chattais Vus sin www.rtr.ch/dretgs.
