Avant ch'introducir il franc svizzer avevan els empruvà cun in'atgna munaida. Perquai ch'els èn dentant in pajais memia pitschen che aveva da lez temp radund 12'000 abitantas e agitonts, han els lura stuì acceptar ch'ina atgna munaida na fiss betg stà in'opziun cuntentaivla.
Sch'ins guarda uss enavos èsi economicamain stà ina buna decidisiun da surprender il franc svizzer. Cun il Principadi da Liechtenstein giaja bain. Ma betg adina èsi stà uschia: igl ha dà persunas che han patì sut la midada: numnadamain quellas che survegnivan la paja en curunas austriacas, che stuevan dentant pajar las chaussas dal mintgadi cun francs svizzers.
Tge che blers na san forsa betg: En il Principadi da Liechtenstein han ins gia duvrà il franc sco munaida dal mintgadi – intgins onns avant ch'el è lura vegnì introducì uffizialmain. Perquai hai dà quella discrepanza tranter las duas munaidas.
100 onns francs svizzer en il Principadi da Liechtenstein
Oz, ils 11 d'avrigl 2024, avant 100 onns ha il Principadi da Liechtenstein surprendì noss franc svizzer. Avant pajavan els cun la curuna austriaca. Pervia da la stretga colliaziun economica cun l'Austria han els patì fitg suenter l'emprima guerra mundiala uschia ch'els èn sa drizzads vers la Svizra.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
