La «Garden Lodge» ch'è dapi la mort dal chantadur da «Queen» Freddie Mercury en possess da sia anteriura partenaira Mary Austin. Ella era er suenter ch'els eran ids dapart restads buns amis ed ella era la confidenta da Freddy Mercury. Suenter sia mort il 1991 aveva el relaschà la chasa e tut ses possess a Mary Austin. Ils proxims onns aveva ella dà quitads da la chasa ed aveva la gronda part laschà tut en stadi original. La chasa saja per ella en pli bella regurdientscha, en mintga chombra saja per ella amur. Mary Austin di ch'ella haja adina gì plaschair da viver là, i saja adina stà in lieu da pasch ed ina vair dachasa d'artists. Ussa saja dentant temp da dar vinavant quest sentiment da pasch a la proxima persuna. Or da motivs da segirtad na vegnan betg publitgads fotografias u plans da la chasa.
35 milliuns Euros
L'anteriura chasa da Freddie Mercury en la regiun nobla da Kensington a Londra vegn vendida per radund 35 milliuns Euros.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
