Era sch'i vegn bavì quatter giadas dapli vin che sect en Svizra, crescha la quantitad. 21 milliuns liters - 28 milliuns buttiglias da 750 ml - èn vegni consumà l'onn passà.
Per producir sect dovran ins vin e levon. Levon dovri per fermentar il vin. Suenter prendan ins puspè davent quel e cumplettescha il liquid cun la «dosage». Quella maschaida da vin e zutger influenzescha la dultschezza ed il gust dal sect. In sect sitg consista da pauc zutger, in dultsch da dapli. I dat dentant era sects che vegnan fatgs senza quella «dosage». Quels èn lura spezialmain sitgs.
