Genuin ed indigen: «Capeder Food»
«Tut ha cumenzà cun ina frestgera ed ina bursa», sa regorda Curdin Capeder. Avant passa 10 onns ha Sarah Capeder lantschà il project, ina butia dal bain puril a Valgronda.
La dunna da 42 onns è oriunda da Burgdorf ed ha fatg la scola da puras per pudair sustegnair ses um Curdin sin tut ils secturs dal manaschi.
Dapi l'onn 2028 porscha la famiglia Capeder ina vasta schelta da products indigens a sia clientella tar la fiera emnila a Cuira, ma surtut era en la butia a Cuira. Tant la butia dal bain puril a Valgronda sco era quella a Cuira èn avertas set dis e da tuttas uras. (24/7)
Entant è la marca «Capeder Food» s'etablida en la capitala grischuna sco er a Valgronda en Lumnezia, nua Curdin Capeder e sia dunna Sarah mainan lur manaschi puril ensemen cun lur uffants Sarina e Gian Andri.
Sin il bain puril da Curdin e Sarah:
-
Bild 1 von 13. Valgronda, la sedia da «Capeder Food». Blers onns ha Tina Capeder, la mamma da Curdin, manà ustria a Valgronda. Dapi prest 10 onns sa chatta là la butia dal bain puril. Bildquelle: RTR.
-
Bild 2 von 13. Curdin Capeder è ì en ils fastizs da ses tat e daventà in pur innovativ. Bildquelle: RTR.
-
Bild 3 von 13. Ils dus asens èn franc amis dals uffants Sarina e Gian Andri Capeder. Bildquelle: RTR.
-
Bild 4 von 13. Ursina Casanova, Sarah e Curdin Capeder vi da la lavur da filetar e pachetar filet da salmelin. Bildquelle: RTR.
-
Bild 5 von 13. Ils salmelins vegnan transportads dal lai cristallin tar il bigl avant chasa. Là restan els dus dis per evitar odur da pesch. Bildquelle: RTR.
-
Bild 6 von 13. In salmelin gist pestgà per far la foto ha gist suenter pudì turnar en il bigl tar ses amis. Bildquelle: RTR.
-
Bild 7 von 13. Sco um pensiunà sa gida Silvio Capeder fitg gugent en il menaschi da la famiglia sco currier. Bildquelle: RTR.
-
Bild 8 von 13. Per che la butia a Cuira porschia tut ils products va Silvio Capeder cun sia biadia Sarina a far controlla. Qua ina stgatla plaina. Bildquelle: RTR.
-
Bild 9 von 13. Lavur da accord en cuschina da producziun. Avant che pachetar il filet da salmelin, vegn la resta allontanada cun in apparat. Bildquelle: RTRT.
-
Bild 10 von 13. L'indriz per fimentar filet da salmelin da fraid e chaud. Curdin Capeder: «Nus avain stuvì empruar ora ed experimentar per far experientschas». Bildquelle: RTR.
-
Bild 11 von 13. Curdin Capeder en la tenda da giaglinas. Ils pulschains restan tar el 10 emnas. Bildquelle: RTR.
-
Bild 12 von 13. Il 500 pluschains da Curdin Capeder èn arrivads cun trais emnas tar el. Bildquelle: RTR.
-
Bild 13 von 13. Reclama a Valgronda. Dapi prest 10 onns mainan Sarah e Curdin Capeder la butia dal bain puril a Valgronda. Ella è averta di e notg. Bildquelle: RTR.
RTR ha pudì visitar la famiglia Capeder a Valgronda. Là capita fitg bler durant l'emna. En butia ma surtut el la cuschina da preparaziun.
Là vegnan elavurads tut ils products da charn e pesch e pulaster, ma era ina vasta variaziun da bizochels, flutgets e liongias sa chattan en las frestgeras da la butia. Per Curdin e sia dunna Sarah èsi impurtant da porscher buns products genuins e da buna qualitad a lur clientella.
Cun Curdin e Sarah Capeder avain nus discurrì davart las pli differentas lavurs, ma era davart il mangiar bain e gugent.