Dumondas filosoficas cun Eveline Saoud

La reverenda Eveline Saoud era gist returnada dad in funeral a Turitg, ch'ella è sa scuntrada cun la Vita e cretta per las dumondas filosoficas. La mamma da dus uffants è scienziada da religiun, magistra da gimnasi e reverenda per tgi che viva en il circus u fa commerzi a fieras. Schanzas sajan in grond tema per ils umans, ch'ella scuntra – e gea, na betg tuttas e tuts hajan la medema schanza, raquinta Eveline Saoud. Dentant, sco adina, èsi da differenziar. Quai mussa per exempel gist il funeral da quel um da Turitg, chè naschì quasi senza schanzas ed ha tuttina prendì ellas. Per l'ultima ediziun estiva da la Vita e cretta ha la reverenda, che ha emprendì rumantsch en sia emprima pravenda a Scuol, discutà da las dumondas: Ha mintgin e mintgina las medemas schanzas en la vita? E datti in recept per la fortuna?