Il corp, center da l'univers

Noss corp è il center da nossa vita, da la naschientscha fin la davosa fladada. Il corp uman è il center da l'exposiziun actuala en il Museum naziunal a Turitg che stat sut il num «begehrt.umsorgt.gemartert. Körper im Mittelalter.» L'exposiziun reflectescha il corp en il temp cur che la baselgia dictava tge che era bun ma surtut tge che era putgà. Vita e cretta ha tematisà il corp da la dunna ma er ils ideals da bellezza en il temp mediaval cun l'istoricra e curatura da l'exposiziun Christine Keller Lüthi.