Avant in onn, ils 19 da mars 2021, è Joseph Maria Bonnemain vegnì consecrà sco nov uvestg da Cuira. Suenter ch'ils canonis n'avevan betg pudì sa decider per in uvestg, aveva papa Francestg persunalmain elegì Bonnemain sco nov uvestg. Dapi lura èn ils conflicts tranter exponents progressivs e conservativs sa calmads considerablamain. Dentant avessan varsaquants cartents e varsaquantas cartentas era spetgà che l'uvestg mettess pli savens las chartas sin maisa pertutgant ils temas brisants da la baselgia catolica.
«Perquai che l'uvestg di savens ni gea ni na n'èsi betg simpel da vegnir a savair tge ch'el pensa propi. El lascha savens avert tut las opziuns. Quai è sia strategia.» - Paula Nay, autura dal film «Per l'amur da la pasch – in onn uvestg Joseph Maria Bonnemain»
L'autura Paula Nay ha gì la chaschun d'accumpagnar l'uvestg da Cuira durant plirs dis cun la camera per realisar in film dals Cuntrasts. Ella ha uschia survegnì in'invista exclusiva en il mintgadi da Bonnemain. Tge uvestg ch'ella ha emprendì d'enconuscher, cun tge duairs ed incumbensas ch'el passenta ses dis e co che l'uvestg para da vegnir a frida cun il grond squitsch entaifer ed ordaifer l'uvestgieu, quai tradescha Paula Nay en Vita e cretta.
Ina valitaziun da las prestaziuns e las sfidas durant quest onn d'uffizi da l'uvestg Joseph Maria Bonnemain dat er Nicole Freudiger, redactura e producenta da la redacziun da religiun da SRF.
«Perquai che l'uvestg di savens ni gea ni na n'èsi betg simpel da vegnir a savair tge ch'el pensa propi. El lascha savens avert tut las opziuns. Quai è sia strategia.» - Paula Nay, autura dal film «Per l'amur da la pasch – in onn uvestg Joseph Maria Bonnemain»
L'autura Paula Nay ha gì la chaschun d'accumpagnar l'uvestg da Cuira durant plirs dis cun la camera per realisar in film dals Cuntrasts. Ella ha uschia survegnì in'invista exclusiva en il mintgadi da Bonnemain. Tge uvestg ch'ella ha emprendì d'enconuscher, cun tge duairs ed incumbensas ch'el passenta ses dis e co che l'uvestg para da vegnir a frida cun il grond squitsch entaifer ed ordaifer l'uvestgieu, quai tradescha Paula Nay en Vita e cretta.
Ina valitaziun da las prestaziuns e las sfidas durant quest onn d'uffizi da l'uvestg Joseph Maria Bonnemain dat er Nicole Freudiger, redactura e producenta da la redacziun da religiun da SRF.
