Maria Madlaina – la giuvnala preferida da Jesus

L'«Evangeli da Maria» è il sulet evangeli enconuschent cun ina dunna sco protagonista. Quest text che nè betg part da la Bibla uffiziala mussa Maria Madlaina sco giuvnala preferida da Jesus e sco suletta ch'aveva chapì il vair messadi dal reginavel da Dieu. Vita e Cretta prenda sut la marella questa figura feminina fascinanta.

Johannes Flury è stà reverenda e pli tard rectur a la Scola auta da pedagogia dal Grischun. El viva en il Partenz.

Avais vus legì il bestseller «Sacrileg» da Dan Brown ni guardà la versiun filmica cun il titel «The Da Vinci Code»? Tenor l'autur Dan Brown aveva Jesus ina muronza, Maria Madlaina, in fatg che la baselgia duai avair zuppentà durant ils davos tschientaners. Mussaments per questa tesa vul l'autur avair chattà en divers text apocrifs, quai è vegls texts religius che na fan dentant betg part da la Bibla. Tenor teologs spezialisads na constat la conclusiun da l'autur dentant betg. Insatgé auter è dentant vair: che Maria Madlaina n'era betg questa pucconta che la baselgia ha fatg or dad ella.