Siglir tar il cuntegn

Header

audio
L’arrivada dals pasturs a Betlehem
keystone
laschar ir. Durada: 58 minutas 30 Secundas.
cuntegn

«Nies Nadal» – in gieu da Nadal da Paul Burkhard

Cura sche betg ils 25 da december èsi da tadlar in gieu da Nadal?

En quest'emissiun speziala propona RTR da tadlar parts dal gieu «Nies Nadal», la versiun rumantscha da «D Zäller Wiehnacht» da Paul Burkhard: intgins uffants decidan da raquintar l'istorgia da Nadal en furma da teater, quai era sche quella als para «pli veglia che paun e latg». Suenter avair repartì las rollas giogan e chantan ils uffants ina scena suenter l'autra; l'annunzia da l'anghel Gabriel, ils sabis che scuvran ina gronda staila en il firmament, la vita decadenta a la curt dal retg Herodes, la rotscha dad anghels che cumpara als pasturs, e lura sa chapescha la tschertga d'albiert da Maria e Josef e la naschientscha dal Bambin.

Primaudiziun ha il gieu «D Zäller Wiehnacht» dal cumponist svizzer Paul Burkhard gì il 1960 a Zell (ZH). Trent'onns pli tard han uffants da l'entira Lumnezia giugà e chantà la versiun rumantscha da quest gieu, in eveniment registrà dad RTR.

Dapli da «Vita e cretta»

Scrollar a sanestra Scrollar a dretga