Gia dapi blers onns gida el persunas ch'èn a l'ur da la societad e ch'han per exempel problems finanzials. Uschia cusseglia el Grischunas e Grischuns ch’han daivets ed accumpogna quellas persunas ch'han pervia d’in divorzi, ina greva malsogna u perquai ch’ellas èn pli ditg dischoccupadas betg pli avunda daners per prestar chaussas essenzialas. Ina lavur che cuntenta el anc adina: «Sche nus pudain per exempel far ina sanaziun dals daivets d’ina persuna, uschia ch’ella n'ha betg pli daivets, è quai per mai natiralmain in fitg grond success che fa mai era cuntent.»
Dentant betg mo ord atgna experientscha po Placi Degonda dir che gidar autras persunas fa ins ventiraivel. Adina puspè auda el er quai da las passa 300 persunas che s'engaschan di per di voluntarmain tar la Crusch Cotschna dal Grischun. Voluntaris e voluntarias din ch'i saja bel da gidar perquai ch’ellas na possian betg mo dar insatge, mabain ch'ellas survegnian cun gidar autras persunas era puspè insatge enavos.
Dentant betg mo ord atgna experientscha po Placi Degonda dir che gidar autras persunas fa ins ventiraivel. Adina puspè auda el er quai da las passa 300 persunas che s'engaschan di per di voluntarmain tar la Crusch Cotschna dal Grischun. Voluntaris e voluntarias din ch'i saja bel da gidar perquai ch’ellas na possian betg mo dar insatge, mabain ch'ellas survegnian cun gidar autras persunas era puspè insatge enavos.
