«Refurmo» – tranter revoluziun e refurmas

Dapi quatter onns èn las plaivs evangelicas da l'Engiadin Ota fusiunadas. Il num da la plaiv: «Refurmo». Ma dapi quatter onns datti inquietezzas. Tantas desditgas da la plazza – da sis reverendas ed in diacon social – evocheschan dumondas. Pertge?, sa dumondan commembras e commembers da la plaiv. Respostas concretas na datti betg. Tut las persunas involvidas fan la giatta morta.

Quest'ediziun da Vita e cretta s'occupa da l'istorgia da «Refurmo» – cun tut ses spiert da pionier, cun las desditgas, la critica publica, respostas cripticas ed il far dascus.