Siglir tar il cuntegn

Header

audio
Reto Bühler, manader dal Forum dal santeri a Turitg
Tina Ruisinger, zVg
laschar ir. Durada: 60 minutas 11 Secundas.
cuntegn

Reto Bühler: «Jau vi gugent ir tut bufatg or da la vita»

Ins duess sa fatschentar cun la mort, uschè ditg ch'ins è en vita. Ed uschè ditg chi va bain. Quai è il messadi dal "Biro per il davos viadi" a Turitg, in center da servetsch per dumondas en connex cun murir, la mort, sutterrar ed esser en cordoli.

La mort evochescha las pli differentas dumondas. Nus umans ans fatschentain però savens pir cun respostas pussiblas, cura che nus essan confruntads cun la mort. Savens èn quellas respostas tut praticas, damai ch'in uman sto vegnir sepuli, sch'el è mort. La mort ha dentant era adina ina vart culturala, ella è preschenta en tut ils champs culturals e collia er tut las culturas dal mund. Quasi sco constanta universala.

Enstagl da tractar la mort cun fatgs objectivs e nunsentimentals, dovra l'uman maletgs, istorgias, musica. Cun quai survegn el orientaziun, revelaziun ed er consolaziun. Exact quai porscha il Forum dal santeri da la citad da Turitg, l'uschenumnà "Biro per il davos viadi". Quel n'è betg mo in post d'infurmaziun e da cussegliaziun individuala, mabain porscha er ina biblioteca, in museum ed ina vasta spierta culturala cun occurrenzas ed exposiziuns. El agescha independentamain da la confessiun e porscha sustegn a persunas muribundas ed a la parentella en temps difficils.

Dal servetsch spezial dal Forum dal santeri raquinta il manader Reto Bühler. En Vita e cretta declera el, pertge che la mort dovra in center da servetsch, tge che murir munta per el persunalmain, pertge che la mort stuess esser preschenta er en buns temps da la vita e tge che la glieud en il territori rural fa tenor el meglier cun prender cumià per adina en congual cun la glieud che viva en la citad.

Dapli da «Vita e cretta»avrir la landingpage

Scrollar a sanestra Scrollar a dretga