Tenebrae factae sunt – la stgiraglia ha cumenzà, cura ch'i han mess Cristus vid la crusch. Emissiun speziala per il venderdi sontg.
Il venderdi sontg sa regordan cartentas e cartents da la suffrientscha e dal sacrifizi da Cristus, l'episoda la pli stgira da l'onn ecclesiastic.
En quest'emissiun speziala as spetgan trais elements: intginas perlas or da noss archiv (las sgarellas e la processiun da Domat ubain er anc usits da Surrein), lura musica classica per il venderdi sontg e per finir il pled sin via dad Andrea Cathomas-Friberg. La catecheta e magistra da Dardin sa fatschenta cun la suffrientscha, ma er cun il simbol da la crusch che po esser in simbol per amur e colliaziun.
