Siglir tar il cuntegn

Header

audio
Barometer da solidaritad
Or da Vita e cretta dals 12.12.2021.
laschar ir. Durada: 53 minutas 23 Secundas.
cuntegn

Barometer da solidaritad Solidaritad sa mida cuntinuadamain

Per l’entschatta da l’emna da solidaritad dals 12 fin 17 da december 2021 ha la Chadaina da Fortuna laschà far in barometer da la solidaritad. Finamira da la retschertga che l’institut Sotomo ha fatg è dad analisar la percepziun da la solidaritad en Svizra.

Per nus è la solidaritad insatge fitg impurtant.
Autur: Judith Schuler Chadaina da Fortuna
audio
Solidaritad è insatge fitg impurtant
ord Vita e cretta dals 12.12.2021.
laschar ir. Durada: 6 minutas 3 Secundas.

Be grazia a la solidaritad da la populaziun Svizra po la Chadaina da Fortuna far sia lavur. Perquai ha l’organisaziun prendì il giubileum da 75 onns per empruvar da chapir in zic meglier las differentas fassettas da la solidaritad.

La retschertga ha mussà che la solidaritad sa mida cuntinuadamain.
Autur: Judith Schuler Ch'ha incumbensà Sotomo da far il studi
audio
Barometer da solidaritad
ord Vita e cretta dals 12.12.2021.
laschar ir. Durada: 6 minutas 41 Secundas.

Il mument è la solidaritad en Svizra influenzada fitg da la pandemia da corona, di Judith Schuler da la Chadaina da Fortuna en vita e cretta.

Grafica dal svilup da la solidaritad
Legenda: Svilup da la solidaritad en Svizra RTR

En egl tar la retschertga dat che la solidaritad haja patì durant la pandemia, di Michael Hermann da Sotomo. Cunzunt en Svizra tudestga è quai uschia, bler pli pac dentant en Svizra franzosa. Quai mussa ch’i ha en Svizra tudestga dà dapli conflicts davart mesiras e protestas encunter quellas. 

Positiv en egl dat che la solidaritad en il ravugl privat è creschida.
Autur: Michael Hermann Sotomo

Impurtant saja ch’ins vesa ch’igl è er restà insatge positiv.

 

Grafica da la valitaziun da la solidaritad
Legenda: Valitaziun da la solidaritad RTR

RTR 08.00 vita e cretta

Artitgels legids il pli savens

Scrollar a sanestra Scrollar a dretga