Uffants èn noss futur e meritan nossa protecziun e noss agid. Vossa donaziun gida, Vossa donaziun fa la differenza. Cun la solidaritad da tuts abitants e tuttas abitantas en Svizra po la Chadaina da Fortuna gidar a quests uffants en Svizra ed en il mund.
En la centrala da Radiotelevisiun Svizra Rumantscha (RTR) a Cuira han collavuraturas e collavuraturs da RTR ed era persunas da la vita publica dal chantun – sco per exempel Mario Cavigelli prendì encunter telefons cun donaziuns:
Da las 07:00 enfin las 23:00 vegn mess a disposiziun en l'entira Svizra numerusas lingias da telefon nua ch'ins po far donaziuns. Era tar RTR vegn rimnà.
In meglier futur per ils uffants
Er en Svizra pateschan uffants e giuvenils: els èn exposts a violenza e na chattan savens betg lur plaz en la societad. Ils cas da violenza psichica dad uffants è sa dublegiada en Svizra tranter il 2010 e 2018. Experts pensan che tranter 20% e 30% dals uffants èn unfrendas da violenza sexuala. En media dumbra la polizia mintg’onn 350 unfrendas dad incest, trais da quatter unfrendas èn mattas. 50’000 uffants en Svizra pateschan mintg’onn da violenza a chasa. In da 10 giuvenils en Svizra è il mument senza scolaziun e senza lavur.
Engaschament per uffants dapi 75 onns
Gia l’emprima acziun da solidaritad avant 75 onns è vegnida da bun ad uffants – ad uffants che pativan da las consequenzas da la segunda guerra mundiala. Dapi lura è l’agid ad uffants ina part impurtanta. Oz rimna la Chadaina da Fortunadanovamain. Cun la solidaritad da donaturas e donaturs po l’organisaziun cuntinuar cun quest agid en Svizra ed en l’entir mund.
