Siglir tar il cuntegn

Header

Chalender d'advent da RTR cun inspiraziuns per la tavla festiva | RTR-Adventskalender mit festlich dekorierem Tisch
Legenda: RTR
cuntegn

Chalender d'advent 2022 A maisa – inspiraziun per la cuschina festiva

Mintga di avra RTR ina nova porta cun in tip culinaric ed inspiraziuns per ils dis da festa. Davos mintga porta sa chatta in recept per Vossa maisa festiva.

Fondue Chinoise, filet en pasta u forsa tuttina in bun gratinà? Sosas cumpradas u fatg sez? Curt avant ils dis da festa vegn savens discurrì davart menus da tradiziun, preferenzas e magari era tschertgà novas ideas ed inspiraziuns per pudair allegrar la famiglia ubain ils giasts.

Co guarda Vossa maisa festiva ora? Avais Vus menus preferids u usits culinarics?

RTR ha creà per Vus quest onn in bel chalender d’advent cun las pli differentas e simplas ideas per embellir Vossa maisa festiva. Mintga di avrin nus ina nova porta cun in tip culinaric, ina inspiraziun per ils dis da festa. Davos mintga porta sa chatta in recept cun ina descripziun detagliada.

Durant quatter venderdis pudais era Vus participar activ e sa barattar.

Emissiun speziala cun nossa moderatura Ladina Schena
02-12-2022
09-12-2022
16-12-2022
23-12-2022

Mintgamai il venderdi tranter las 11:00 e las 12:00 live al Radio RTR. Participar pudais Vus gugent via il numer 0800 20 25 30.

Participai era Vus 

Avais Vus tips u fotografias da Voss menus da festa? Recepts ubain ideas co embellir la maisa festiva? Inspiraziuns per regals fatg sez u decoraziuns da maisa? Nus ans legrain da tut Vossas contribuziuns. Gugent pudais Vus trametter quellas enfin ils 22-12-2022 a communicaziun@rtr.ch.   

Artitgels legids il pli savens

Scrollar a sanestra Scrollar a dretga