Legenda:
RTR, Jon Bischoff
100 onns AutoDaPosta Grischun - tge resta? In scandal che prenda davent tut la splendur dal giubileum ed il grond incendi amez la citad da Cuira. Quai èn almain las lingias grassas dal 2019. A mai resta dentant quest maletg che mussa la fotografia che jau hai fatg da l'incendi. In purtret impressiunant, starmentus e tuttina cun ina tscherta estetica. Il post sin mes chanals da social media era gia preparà. Jau n’hai tuttina betg publitgà el – ord respect vers ils pumpiers che han stuì lavurar era sch’igl era fitg privlus e vers ils abitants dal quartier pertutgà. Ina buna decisiun.
