Il ticker è a fin
-
23:36
Buna notg ed a revair damaun a las 9:30.
-
23:35
Contact cun l’emprim Rumantsch
Cun pliras ingredienzas magicas sco il chavel d’ina giuvintschella, sang, aua ramassada da glina plaina, set ervas ed ina purziun energia mentala ha Gion Mathias Cavelty ed il striun Chistoph Borer empruvà da sa metter en contact cun l’emprim rumantsch ...
La finala è bain cumparì in spiert, dentant in che discurriva turitgais e che vuleva cunzunt ina gervosa. Tuttina s’ha dumandà il public tar divers tircs surprendents: co fa el propi quai, artisanadi da striun u psicologia?
Legenda: Gion Mathias Cavelty ed il mentalist Christoph Borer. RTR, Dominik Hardegger -
22:03
audioIn remix nocturn ord sis istorgias da bunanotgord RTR Audio dals 05.11.2022.laschar ir. Durada: 3 minutas 3 Secundas.
-
21:47
Cur ch'i fa notg a Domat
Empè da «staila, stailina» istorgias che naschan tranter stgir e cler, tranter esser alert e cupidar, tranter siemi e realitad porschan ils Dis da litteratura sienitschs tut apartis. Da tut quai che po succeder cur che il di brancla la notg ...
Benedetto Vigne cun reminiscenzas d’in scolar claustral en cumpagnia da Radio Luxemburg. Barla Coluccello cun sia gronda fatschenta ed il Toni, Göri Klainguti cun «üna not dandetta» che evochescha istorgias e scenas associativas, Asa S. Hendry che propona da «rethink the night» e Jürg Gautschi cun in’istorgia che vegn ord ina stgatla.
Legenda: Jürg Gautschi, Göri Klainguti, Barla Coluccello, Benedetto Vigne e la moderatura Toni Maria Zindel. RTR, Dominik Hardegger -
18:20
audio«Mamma» da Gianna Olinda Cadonau – translaziun Denise Mützenbergord RTR Audio dals 05.11.2022.laschar ir. Durada: 1 minuta 18 Secundas.
-
18:16
audio«Nots» da Rut Plouda – translaziun Denise Mützenbergord RTR Audio dals 05.11.2022.laschar ir. Durada: 56 Secundas.
-
18:05
Ina racolta sut l’ensaina «Aruè».
Denise Mützenberg ina translatura da la Svizra franzosa cun ina grond’affinitad per la lirica e la litteratura rumantscha ha cumpiglià ina matg da poesias da l’Engiadina Bassa e da la Val Müstair. Igl è in'antologia cun poesias rumantschas e lur translaziun franzosa. In puschel che cumpiglia texts da Peider Lansel, Andri Peer, Luisa Famos, Leta Semadeni, Dumenic Andry, Rut Plouda u era Flurina Badel, Giana Olinda Cadonau e divers auters.
Legenda: Uorschla Natalia Caprez Brülhart, Denise Mützenberg, Rut Plouda, Fina Planta-Vital e Gianna Olinda Cadonau RTR, Dominik Hardegger -
16:56
Nua è la mamma da Giancarl Tönet?
Valentina Parolini ha preschentà ses crimi puter per giuvenils e creschids. En in vitg muntagnard succedan gist dus cas misterius che occupan las duas amias da Giancarl. L’impuls da scriver in crimi «La melodia da la gïa» saja vegnì a Valentina Parolini (30), che lavura sco magistra secundara, en barat cun sias scolaras e scolars, lur mirveglias ed experientschas.
Legenda: L'autura Valentina Parolini en discussiun cun la moderatura Annetta Ganzoni. RTR, Dominik Hardegger -
16:31
Il Premi Term Bel e dotà cun 3'000 francs. Donatur da questa distincziun sco er dal premi dal public è la vischnanca burgaisa da Domat. Damaun dumengia a las 16:00 savain nus tgi ch'ha gudagnà ils premis 2022.
-
16:13
Text 5: «Morsas da mustgins» da Viola Cadruvi
Viola Cadruvi raquinta en ses text l’istorgia dad ina giuvna che sa regorda a la stad 1993, la davosa giada ch’ella ha lavurà en il kiosc da la badi da si’onda. Per la giuria in’istorgia curta raquintada e structurada bain. I va per il vegnir creschì, il ir als cunfins ed era surora e per las nodas che quai lascha enavos. Da discutar ha dà la dumonda, pertge che l’istorgia na commova u tutga la finala betg per propi.
audioViola Cadruvi – Morsas da mustginsord RTR Audio dals 05.11.2022.laschar ir. Durada: 25 minutas 40 Secundas. -
15:45
Text 4: «Sbrai da suldüm» da Janic Maskos
Janic Maskos è ina nova vusch als Dis da litteratura, in autur giuven cun in instrumentari linguistic impressiunant. In text che ha dà da ruier e discutar. Èsi in monolog intern d’in uffant betg naschì? Datti pliras vuschs? Èsi in text ritg ed associativ u tuttina memia criptic?
audioJanic Maskos – Sbrai da suldümord RTR Audio dals 05.11.2022.laschar ir. Durada: 18 minutas 25 Secundas. -
15:33
Text 3: «Vent» da Natalia Salzgeber
Il text da Natalia Salzgeber è curt e condensà. El descriva sco il vent porta ins tras la vita, ans sufla en tut las direcziuns, e vegn magari encunter cun tutta forza. Per la giuria in text ritg e varià. Da discutar ha dà tuttina la lunghezza: è el memia curt u tuttina in condensat che persvada?
audioNatalia Salzgeber – Ventord RTR Audio dals 05.11.2022.laschar ir. Durada: 14 minutas 9 Secundas. -
15:15
Text 2: «Be calm» da Flurina Badel
Sco segunda ha Flurina Badel prelegì ses text «Be calm», in text nua ch’ella descriva e malegia patratgs che van ad ella tras il chau cun far chaussas dal mintgadi sco svidar la stgaffa da brevs, baiver in café u lavar la vaschella. Per la giuria porscha il text ina cascada descriptiva fitg associativa e spessa.
audioFlurina Badel – be calmord RTR Audio dals 05.11.2022.laschar ir. Durada: 20 minutas 10 Secundas. -
15:01
Text 1: «A chatscha» da Sidonia Pazeller
En detagl e da maniera sensitiva ed atmosfericas descriva Sidonia Pazeller l’ir a chatscha: l’agen corp, la tensiun, la natira, in siemi erotic e la fevra da chatscha. Discutà da maniera per part cuntraversa ha la giuria la pointa finala ed il siemi erotic.
audioSidonia Pazeller – A chatschaord RTR Audio dals 05.11.2022.laschar ir. Durada: 19 minutas 55 Secundas. -
14:40
La tensiun crescha
La concurrenza per il premi litterar è partida: Ina sala plaina è be aspectativas, uschia er la giuria sur place, quest onn cun Fabiola Carigiet, Giuanna Caviezel e Rico Valär. Maria Victoria Haas moderescha il Premi Term Bel 2022.
Legenda: Giuanna Caviezel, Rico Valär, Fabiola Carigiet e Maria Victoria Haas. RTR, Dominik Hardegger -
14:00
Istorgias or da la vita
En ses cudesch «Furt e naven!» prenda Carin Caduff il lectur e la lectura sin divers viadis: viadis reals cun auto, tren e bastiment, ma era per serranetga, Alain Berset u per mopeds. L’autura lumneziana ha dà a Domat in insatg or da ses emprim cudesch.
audioJohanna da Carin Cadufford RTR Audio dals 05.11.2022.laschar ir. Durada: 3 minutas 4 Secundas. -
12:06
Era il public da Domat na viva betg mo da la litteratura. Bun appetit!
Legenda: RTR, Guadench Dazzi -
11:31
Runda litterara
La runda litterar cun Bettina Vital, Claudia Knapp e Viola Cadruvi han discutà e preschentà il roman «Amur, grosser Fluss» da Leta Semadeni e il comic «Pippin il patgific» da Tim Krohn.
Legenda: Claudia Knapp, Bettina Vital e Viola Cadruvi. RTR, Dominik Hardegger -
10:49
Dapli da Clementina Gilly
Era la Marella dad Astrid Alexandre sa fatschenta cun la poetessa ladina.
Legenda: Clementina Gilly sin sia lautga a Zuoz. Annemarie Schwarzenbach 1936 -
10:36
La pioniera Clementina Gilly (1858-1942)
Clementina Gilly è naschida il 1854 sco figlia da randulins engiadinais a Modena en l'Italia. Pli tard è ella sa chasada en sia patria a Zuoz. Ella era ina da la pionieras da la litteratura ed il moviment rumantsch. Sco emprima dunna rumantscha ha ella publitgà il 1926 in’atgna collecziun da poesias. La publicaziun «Traunter di e not» cun documents, fotografias e text da Clementina Gilly fa uss onur a questa dunna extraordinaria.
Legenda: Rico Valär preschenta vita ed ovra da la poetessa Zuozingra. RTR, Dominik Hardegger
