Il ticker è a fin
-
22:15
Buna notg ed a damaun a las 09:30.
-
22:14
Bar nocturna
L’affluenza dal public era l’emprima saira anc plitost modesta. Magari èn plirs restads a chasa per ir ad uras en letg, quai per esser lura fits per las prelecziuns, las istorgettas da bunanotg e la séance da mesanotg rumantscha da damaun sonda.
Il venderdi saira a Domat sa concluda cun la bar nocturna.
-
22:04
-
21:55
ladunna – il concert
La furmaziun «ladunna» cun la chantadura Chiara Jacomet ed ils ritmus da Momo Kawazoe procura a Domat per bun’atmosfera ed ellas duas animeschan per propi il public da Domat da sautar viaden en la notg.
-
21:47
-
21:01
«Il meglier ghitarrist»
Michael Fehr cun ina vusch sco Tom Waits.
-
20:04
Las istorgias «Hotel der Zuversicht» sa movan en univers fantastics e per part scurrils che spievlan dentant tuttenina noss mintgadi e las relaziuns umans. Il scrivent bernais Michael Fehr tgira in stil e tun agen che viva d’ina lingua ritmica e da maletgs.
-
19:47
Las glischs èn ora, e puspè qua. Ma i n’è nagin disturbi dal current electric – i han cumenzà ils 31avels Dis da litteratura!
La «Notg» – il motto da questa ediziun – entra cun il pled d’avertura da Benedetto Vigne da l’Uniun per la Litteratura Rumantscha. Stgir sco la notg, forsa perfin «apocaliptic», sco Benedetto Vigne ha ditg, saja stada la situaziun dal comité d'organisaziun. Quel consistiva l'entschatta da l'onn mo pli da la mesadad dals commembers – ma novas fatschas hajan cumplettà quel.
«Noss festival a Domat cuntinuescha a flurir»
Benedetto Vigne, co-fundatur dals Dis da litteratura
-
19:43
Bainvegni als 31avels Dis da litteratura
-
18:15
Program da venderdi saira, ils 4 da november
- 19:30 Avertura dals 31avels Dis da litteratura che stattan sut il motto «Notg».
- 20:00 L'autur Michael Fehr prelegia e performescha ord ses nov cudesch «Hotel der Zuversicht». El descriva fatgs fantastics e magics e conflicts da relaziuns.
- 21:00 Concert da ladunna – ina simbiosa musicala extraordinaria tranter Chiara Jacomet e Momo Kawazoe.